بالنسبة لي انا مستعد ادفع نصف عمري وارجع ليوم في حارتنا القديمة، واستمع لصوت اصحابي الأجش وهما بيندهو عليا من الشارع عشان نروح الدرس، فأرد عليهم بلا مبالاة من البلاكونة اني بلبس الكوتشي.. وادخل اكمل الجيم عالبلايستيشن واتاخر عليهم ساعة حرفيًا.. وبعدها انزل وانا واثق اني هلاقيهم لسة مستنيني، ويكونوا لسة مستنييني فعلًا، ويفضلوا يشتموا ونزعق لبعض في الشارع لاني لطعتهم كل دة وبعدها نهزر ونروح نقعد عالقهوة ناسيين ان كان في درس وان بعد يومين هنمتحن وان الحياة البدائية البسيطة اللي كنا بنشوف نفسنا فاشلين فيها دي هي كانت أحسن لحظات عمرنا..
