.

"- ياريتك يا سي البهي لما أموت تبقى توصلي لمبة بسلك فى التربة - إزاى الكلام ده؟! - انشالله حتى أسبوع واحد بس - دي تضرب يا ولية! - والنبي ما هيجرالها حاجة - طب وهو حساب الملكين يصح شرعاً فى نور الكهربا؟! أستغفر الله العظيم - هو أنت هيخس عليك حاجة؟! ده انت هتاخد وصلة من عبد الخالق الحنوتى، لمبة خمسين شمعة، الحكاية كلها مش هتكلفك جنيه ونص ويمكن حتى جنيه وربع، ده أسبوع واحد بس لحد ما اخد ع الضلمة." من فيلم عصافير النيل، تأليف إبراهيم أصلان  

أنا بحب ناروتو أكتر من أي شخصية تانية..  مكنش ملائكي زي جون ومكنش موهوب أو مثالي زي كيلوا أو ساسكي.. ناروتو شخص إتحرم من كل حاجة: من أهله ومن الأصحاب ومن الموهبة، كان كل لحظة في حياته بيحارب عشان خاطر يحصل على اللي اتولد بيه أي شخص عادي من اللي حواليه، ورغم فشله المستمر عمر ما الحزن العميق اللي جواه دة خلاه يتخلى عن نفسه أو عما يحب.. الموسيقى دي جميلة جدًا وفي نفس الوقت مؤلمة جدًا..كإنها بتجسد حياته.